Біздің стратегиямыз

МИССИЯСЫ

ТҰРАҚТЫ ДАМУ ҚАҒИДАТТАРЫНА СӘЙКЕС КОМПАНИЯНЫҢ БАРЛЫҚ МҮДДЕЛІ ТАРАПТАРЫ ҮШІН ҰЗАҚ МЕРЗІМДІ ҚҰНДЫЛЫҚТАРДЫ ҚҰРА ОТЫРЫП, УРАН КЕН ОРЫНДАРЫН ИГЕРУ ЖӘНЕ ҚОСЫЛҒАН ҚҰН ТІЗБЕГІНІҢ КОМПОНЕНТТЕРІН ДАМЫТУ.

ПАЙЫМДАЛУЫ

ЖАҺАНДЫҚ АТОМ ӨНЕРКӘСІБІ ҮШІН АРТЫҚШЫЛЫҚҚА ИЕ СЕРІКТЕС БОЛУ

ҚҰНДЫЛЫҚТАРЫ

Қауіпсіздік

Кәсіби шеберлік

Жауапкершілік

Даму

Команда

GRI 2-6

Қазатомөнеркәсіп әлемдегі ең маңызды уран ресурстарының біріне басымдықпен қол жеткізе отырып, табиғи уранның әлемдік өндірушілер арасында көшбасшы орынға ие.

Қызмет бағыттары

Табиғи уран өндіру
Уран өнімдерін өндіру
Геологиялық барлау жұмыстары
Сирек металдар өндірісі

Компания активтерінің құрылымына уранды барлау мен өндіруден, ядролық отын циклі үшін өнім өндіруден бастап ғылыми зерттеулерге, әлеуметтік қамсыздандыруға және персоналды оқытуға дейінгі түпкілікті өнімді жасау процесіне қатысатын кәсіпорындардың толық спектрі кіреді.

Компанияда 21 мыңнан астам адам жұмыс істейді. Қазатомөнеркәсіп тұрақты даму қағидаттарын қатаң ұстанады және корпоративтік әлеуметтік жауапкершілік саласындағы халықаралық стандарттарды ұстанады. Компанияның жетістіктері халықаралық және ұлттық деңгейде жоғары бағаланды.

Қазатомөнеркәсіп:

Әлемдік нарықтағы үлесі 20%-дан асатын уранның жетекші әлемдік өндірушісі.
Әлемдегі ең ірі ресурстық базалардың біріне басымдықпен қол жеткізу мүмкіндігі бар.
Уран өндірудің төмен шығынды, тиімді және экологиялық таза әдісін- жерасты ұңғымалы шаймалауды (ЖҰШ) қолданады.
Өндірістік тиімділік, еңбек қауіпсіздігі және қоршаған ортаны қорғау бойынша салалық көшбасшы.
Уран нарығын тұрақты және ұзақ мерзімді дамыту үшін стратегияларды әзірлеуде көшбасшы.

2018 жылы Қазатомөнеркәсіп 2018-2028 жылдар кезеңіндегі бес негізгі мақсатқа назар аудара отырып, дамудың жаңа стратегиясын қабылдады:

Қызметтің негізгі түріне назар аудару.
Нарық жағдайы негізінде өндіріс, қайта өңдеу және сату көлемін оңтайландыру.
Маркетинг функциясын нығайту және сату арналарын кеңейту арқылы құндылықтар құру.
Бизнес-қызметтегі озық тәжірибелерді қолдану.
Сала көшбасшысына лайықты корпоративтік мәдениетті дамыту.

2023 жылы стратегиялық мақсаттарды іске асыру жөніндегі есеп

Стратегиялық мақсаттар	Негізгі нәтижелер
Қызметтің негізгі түріне назар аудару	2023 жылы Қазатомөнеркәсіп әлемдегі ең ірі уран өндіруші ретіндегі орнын сақтап қалды (өндірістегі тиісті үлестің негізінде). UxC деректеріне сәйкес, Компанияның уран өндірісі 2023 жылы жалпы әлемдік бастапқы өндірістің шамамен 20%-ын құрады. Қазақстанда уран өндірудің барлық кәсіпорындары кіретін Холдингтің үлесіне 2023 жылы уран өндірудің әлемдік көлемінің ша- мамен 39% тиесілі. 2023 жылы «Үлбі-ЖБҚ» ЖШС жылу бөліп шығаратын құрамалардың (ЖБҚ) төрт партиясын (130 тоннадан сәл артық төмен байытылған уран) жеткізуді жүзеге асырды. Барлық ЖБҚ жеткізілген партиялар шеңберінде қабылдау бақылауынан өтті және ҚХР атом электр станциясымен қабылданды.
Нарық жағдайы негізінде өндіріс, қайта өңдеу және сату көлемін оңтайландыру	Қазатомөнеркәсіптің өндіріс көлемі бойынша күтулер нарыққа бағдарланған стратегияға және Компанияның нарықтық конъюнктурасы мен өндірістік мүмкіндіктеріне сай уран өндіру көлемін оңтайландыру ниетіне сәйкес сақталады.
Маркетинг функциясын нығайту және сату арналарын кеңейту арқылы құндылықтар құру	Қазатомөнеркәсіптің THK-трейдерінің табысты жұмыс істеуі Қазатомөнеркәсіп және БАӘ Emirates Nuclear Energy Corporation энергетикалық компаниясы БАӘ «Барака» атом электр станциясының энергетикалық қажеттіліктері үшін қазақстандық табиғи уран концентратын жеткізуге тарихтағы тұңғыш келісімшартқа қол қойды. БАӘ-нің ірі энергетикалық компаниясымен осы келісімшартты жасасу екі елдің атом компаниялары арасындағы ынтымақтастыққа жаңа серпін береді, сондай-ақ Қазатомөнеркәсіптің сату географиясында жаңа елді ашады.
Бизнесқызметтегі озық тәжірибелерді қолдану	КО және бірқатар ЕТҰ-да ақпараттық қауіпсіздіктің мақсатты процестерін кезең-кезеңімен енгізу жүзеге асырылуда. Өндіру кәсіпорындарының геологиялық-геофизикалық деректерінің сапасын арттыру процесі жүргізілді. Бастама шеңберінде геологиялық базаларда деректердің толықтығы мен сапасын автоматтандырылған тексеру орындалды, деректер сапасын арттыру бойынша жүйелі іс-шаралар жүргізілуде. «KAP-MAP» бірыңғай корпоративтік геоақпараттық жүйесі енгізілді. Жобалау қызметі шеңберінде ЕТҰ-да картографиялық деректерді стандарттау және цифрландыру жүзеге асырылды, интерактивті веб-портал әзірленді. 2023 жылы сыртқы қайта сертификаттау аудитінің нәтижелері бойынша «Қазатомөнеркәсіп» ҰАК» АҚ денсаулықты сақтау, еңбек қауіпсіздігін және экологиялық менеджментті қамтамасыз ету саласындағы халықаралық талаптар мен стандарттарға сәйкестігіне TÜV International Certification (Германия) сертификатынан сәтті өтті. 2023 жылы анықталған қауіпті жағдайлар (ҚЖ), қауіпті әрекеттер (ҚӘ), ықтимал қауіпті жағдайлар (Near-Miss) туралы ақпарат тұрақты түрде ұсынылды. Анықталған ҚЖ, ҚӘ, NearMiss туралы ақпарат eKAP ақпараттық жүйесіне енгізіледі. Сондай-ақ, өндірістік қауіпсіздікті қамтамасыз етуге қатысты жеке пікір айту еркіндігін көтермелеу, СТОП-карталарды қолданудың маңыздылығы туралы түсіндіру жұмыстары және олардың мониторингі мен талдауы жүргізілді. Қауіпсіздік мәдениетін дамыту мақсатында барлық өндірістік персонал Компанияның ішкі тренерлерін тарта отырып, «Еңбек қауіпсіздігі мәдениеті» курсы бойынша оқытумен қамтылды. 2023 жылы қызметкерлердің мінез-құлқындағы өзгерістердің оң динамикасын көрсететін, қызметкерлердің және басшылардың өндірістік қауіпсіздік талаптарының барлық деңгейлерін саналы түрде сақтауының ағымдағы деңгейін анықтау үшін қызметкерлерге сауалнама жүргізілді, бұл да өз пікірін білдіруге ниет білдірген респонденттер санының артуымен расталады. Ерекше көзге түскен ЕТҰ мен ЕТҰ қызметкерлері өндірістік қауіпсіздікті қамтамасыз ету саласындағы жетістіктері үшін Басқарма Төрағасының сыйлығымен марапатталды. Ақпараттық бюллетендер арқылы болған оқиғалар туралы Топтың барлық қызметкерлерін ақпараттандыру практикасы енгізілді, қауіпсіздіктің мінез-құлық аудиттері мен каскадтық коммуникациялар жүргізілді. Топтың барлық бірінші басшылары қол қойып, өндірістегі жарақаттану деңгейін нөлге дейін төмендетуге бағытталған Vision Zero тұжырымдамасы шеңберінде жеке міндеттемелер алды Қазатомөнеркәсіп тобында келесі бағыттар бойынша экологиялық жобалар іске асырылуда: Құстарды қорғау бағдарламасын іске асыру; Атмосфералық ауаны қорғау саласындағы жобалар; «Zero Waste» қалдықсыз өндіріс мәдениетін дамытудың Корпоративтік Бағдарламасы; «ESRP» кешенді экологиялық және әлеуметтік зерттеулер бағдарламасы; Төмен көміртекті даму және көміртексіздендіру стратегиясы. 2023 жылдың қазан айында «Қазатомөнеркәсіп» ҰАК» АҚ су ресурстарын басқарудың 2023-2030 жылдарға арналған стратегиясы әзірленіп, бекітілді. 2024 жылға «Қазатомөнеркәсіп» ҰАК» АҚ ЕТҰ бойынша су ресурстарын жұмсауды қысқарту және ұтымды пайдалану жөніндегі іс-шаралар жоспары әзірленді. Қазатомөнеркәсіп тарихында алғашқы CDP (Carbon Disclosure Project) рейтингі, климаттың өзгеруі бойынша «В» бағасы алынды; Барлық дерлік ЕТҰ-да БАҚ-та кеңінен жарияланатын халықаралық экологиялық акциялар, мектептердегі экологиялық сабақтар, сенбіліктер, одан әрі қоқыс шығарумен аумақты тазарту және басқа да іс-шаралар өткізіледі; Экологиялық заңнаманы өзгерту жөніндегі жұмыс топтарының отырыстарына әрдайым қатысады; «Катко» БК ЖШС кәсіпорны «Экологияға қосқан үлесі үшін» номинациясы бойынша ҚР Президентінің «Парыз» сыйлығын алды (3-орын); ҚАӨ кен орындарында экологиялық зерттеулерді орындайды, биоалуантүрлілікті бағалауды жүргізеді; алынған нәтижелер экологиялық және әлеуметтік тәуекелдерді бағалауда, сондай-ақ ҚАӨ кәсіпорындарында экологиялық мониторингті жүзеге асыруда практикалық қолдануда болады.
Сала көшбасшысына лайықты корпоративтік мәдениетті дамыту	Қазатомөнеркәсіп тарихында алғашқы CDP (Carbon Disclosure Project) рейтингі, климаттың өзгеруі бойынша «В» бағасы алынды. Корпоративтік салауаттылық бағдарламасы аясында Kazatomprom марафоны, XXII Спартакиада, NOMAD time Kazatomprom ұлттық спорт түрлері бойынша жарыстар, Сау жүрек күндері сияқты ауқымды іс-шаралар іске асырылды. ЕТҰ қызметкерлерінің балалары үшін IQanat жазғы оқу лагері ұйымдастырылды. Қызметкерлердің менталды денсаулығын қолдау мақсатында корпоративтік психолог жұмысын жүзеге асырады. Гендерлік теңдікті дамыту саясатын ілгерілету үшін Қазатомөнеркәсіп әйелдері «Самұрық-Қазына» АҚ гендерлік теңдікті дамыту жөніндегі бағдарламасына қатысты.

Даму стратегиясын іске асыруға байланысты негізгі тәуекелдер:

Ресейге қатысты санкциялармен байланысты күрделі және сандық емес тәуекелдер, соның ішінде, бірақ олармен шектелмей, «Росатом» атом энергиясы жөніндегі Мемлекеттік корпорациясы мен оның еншілес ұйымдарына қатысты санкциялар енгізілуі мүмкін, сондай-ақ, Украинадағы қазіргі жағдайға байланысты тәуекелдер, бұл топтың қаржылық тұрақтылығының нашарлауына және әлеуметтік шиеленістің өсуіне әкелуі мүмкін, байланысты, бірақ АҚШ долларымен және басқа валюталармен өзара есеп айырысу шектеулерімен шектелмейді, тауарларды Ресей Федерациясының аумағы арқылы ауыстырып тиеуді тоқтата тұру, тауарлардың физикалық қауіпсіздігі;
Топтың табыстылығы уранның нарықтық бағасымен тікелей байланысты. Уран бағасының құбылмалылығы Топқа айтарлықтай теріс әсер етуі мүмкін;
Ядролық өнеркәсіптегі ірі апаттар уран бағасының күрт төмендеуіне әкелуі мүмкін;
Ядролық энергия бірқатар басқа энергия көздерімен бәсекелеседі, ал баламалы энергия көздерінің орнықты және неғұрлым төмен бағалары ядролық шикізатқа және отынға сұраныстың төмендеуіне, ядролық энергетиканы дамыту мен АЭС салу бағдарламаларының қысқаруына, нәтижесінде уранға сұраныстың және оның нарықтық бағасының төмендеуіне әкелуі мүмкін;
Ядролық энергия қоғамдық пікірлерге байланысты көптеген тәуекелдерге ұшырайды, бұл ядролық энергияға деген сұранысқа елеулі жағымсыз әсер етуі мүмкін және ядролық салада реттеуді күшейтуге әкеліп соғуы мүмкін;
Топ басқа уран жеткізушілер тарапынан бәсекелестікке тап болады және уран өнімінің соңғы тұтынушыларын жоғалтуы мүмкін;
Қазіргі уақытта Топ уранның едәуір бөлігін сатып алатын аздаған клиенттердің санына тікелей байланысты, бұл ретте маңызды клиенттердің кез келгенінен айырылып қалу елеулі қолайсыздық тудырып, әсер етуі мүмкін;
Топтың кейбір клиенттері мен іскерлік серіктестері халықаралық санкцияларға ұшырауы мүмкін, егер бұндай жағдай орын алса, мұндай оқиғалар да айтарлықтай жағымсыз әсер етуі мүмкін;
Топ ірі салық төлеуші болып табыладытындықтан, салық тәуекелдеріне ұшырайды, ең маңыздысы – уранға пайдалы қазбаларды өндіруге салықтың өсуі және талап қою мерзімі шегінде трансферттік баға белгілеу болып табылады;
Уранды өндіру және тасымалдау жөніндегі Топтың қызметі операциялық тәуекелдерге, қауіптерге және күтпеген іркілістерге байланысты, бұл Топтың уран және уран өнімін өндіруді және жеткізуді кідіртуге, Топты өндіру құнын ұлғайтуға немесе Топтың өндіру орындарында апатқа әкеп соғуы мүмкін;
Күкірт қышқылының болуы, сатып алу мүмкіндігі және оның құны Топ қызметінің үздіксіздігі мен коммерциялық өміршеңдігіне айтарлықтай әсер етеді, өйткені Топ уран алу үшін күкірт қышқылының едәуір көлемін пайдаланады;
Топ Қазақстанды көрші елдермен немесе басқа көлік инфрақұрылымымен байланыстыратын теміржолдарды пайдалануда қиындықтарға тап болуы мүмкін;
Топ өзінің ағымдағы кен қорларын сақтауы немесе жаңа кен қорларын ашуы кезінде ықтимал қолайсыз болжамдарға тап болуы мүмкін және Топтың уран кені қорларын санау немесе жіктеу кенді бағалау барысында сөзсіз орын алар белгісіздіктерге байланысты бағаланатын деректерден төмен болуы мүмкін;
Топ белгілі бір қаржылық және басқа да шектеу шарттарын сақтауға, пайыздық мөлшерлемелер мен валюта бағамдарының ауытқуларына, өтімділікті шектеуге немесе қажетті қаржыландыруды ала алмауға, контрагенттердің дефолттарына байланысты әртүрлі қаржылық тәуекелдерге ұшырайды;
Топ төрелік немесе сот талқылауына, заңнаманы сақтамау/дұрыс түсіндірмеудің құқықтық салдарына тап болуы мүмкін;
Топтың сақтандыру өтемі ықтимал операциялық тәуекелдерге және күтпеген іркілістерге байланысты шығындарды жабу үшін жеткіліксіз болуы мүмкін;
IT-жүйелерінің іркілістері немесе Топқа қатысты кибершабуылдар қызметтің нәтижелеріне теріс әсер етуі мүмкін;
Уран (U₃O₈) өндірудің немесе шығарудың, сатудың, өнім мен қызметтердің өзіндік құнының жоспарланған көлемін орындамау;
Корпоративтік басқару жүйесін жақсарту көрсеткіштерін, еңбек қауіпсіздігі және қоршаған орта көрсеткіштерін орындамау;
Қазақстан Республикасында жылу бөлетін құрамаларды өндіру бойынша жоспарланған көрсеткіштердің орындалмауы;
Топ Қазақстанда бар макроэкономикалық, әлеуметтік және саяси жағдайларға едәуір дәрежеде тәуелді, Топ жергілікті билік органдары тарапынан қолайсыз егеменді іс-әрекеттер тәуекеліне ұшырауы немесе ауқымды мемлекеттік реттеу мен заңнамаға ұшырауы мүмкін;
Топқа Қазақстандағы еңбек толқулары немесе әлеуметтік шиеленістің өсуі әсер етуі мүмкін, бұл Топтың қызметіне және оның беделіне айтарлықтай теріс әсер етуі мүмкін;
Топ қызметінің нәтижелері Қытайда, Үндістанда, Кореяда, Жапонияда, Ресейде және тікелей және қайталама санкциялар қаупі жоғары басқа елдерде экономикалық, саяси және құқықтық өзгерістерге ұшырайды;
Күтпеген апатты оқиғалар, соның ішінде вандализм мен терроризм актілері Топтың қызметіне теріс әсер етуі мүмкін;
Қазақстан аумағында және басқа елдерде эпидемиологиялық жағдайдың нашарлауы Топтың қаржылық тұрақтылығының нашарлауына, әлеуметтік шиеленістің артуына және негізгі операциялық материалдарды сатып алу мүмкіндігінің болмауына әкеп соғуы мүмкін.

2023 жылы «Қазатомөнеркәсіп» ҰАК» АҚ өндірістік мүмкіндіктерді дамытуға және экологиялық жағдайды жақсартуға бағытталған бірқатар маңызды жобаларды іске асыруды жалғастырды:

Қуаттылығы жылына 800 мың тонна күкірт қышқылы зауытын салу

800
мың тонна

Түркістан облысы Созақ ауданы Тайқоңыр ауылында 2027 жылы аяқтау жоспарымен жыл сайынғы қуаты 800 мың тонна күкірт қышқылы зауытын салу.

Жобаны іске асырудың құндылығы:

Жаңа жұмыс орындарын құру (құрылыс кезеңінде 150 және пайдалану процесінде 500);
Салық түсімдерін жылына 4 млрд теңгеден астам ұлғайту;
Күкірт қышқылының импортына тәуелділікті азайту;
Қазақстанда күкірт қышқылының болжамды тапшылығы проблемасын шешу;
Қосымша 30 МВт электр энергиясын өндіру;
Аймақтың әлеуметтік-экономикалық деңгейін арттыру және ШОБ-ты дамыту.
Экология мен энергия үнемдеудің әлемдік стандарттарын ескере отырып, күкірт қышқылын өндіру бойынша жаңа, озық технологияларды енгізу;
Әлемдегі уран өнімдерінің төмен құнының бәсекелестік артықшылығын сақтау.

Құрылыс және жобалау жұмыстарының мерзімі:

2022-2027 жж.

Уранның шала тотығы-тотығы

«ҮМЗ» АҚ
аффинаждық өндірісін салу

«ҮМЗ» АҚ уранның шала тотығы-тотығын аффинаждау зауытын салу жөніндегі жобаны іске асыру жылдық қуаты 6 000 тонна өндірісті іске қосуды көздейді. Жоба экология және энергия үнемдеу саласындағы озық технологияларды қолдану арқылы жүзеге асырылады. Жобадағы үлес – 100%. Портфельдік компания – «ҮМЗ» АҚ. Зауыт жұмыс істей бастағаннан кейін қосымша жұмыс орындары құрылады.

Жобаны іске асырудың құндылығы:

Қосымша жұмыс орындарын құру;
Салық аударымдарын ұлғайту;
Әлемдік нарықтағы қазақстандық шикізат үлесін кеңейту;
Уранның шала тотығы-тотығы өндірісінің көлемін жылына 6 000 тоннаға дейін арттыру.

Құрылыс және жобалау жұмыстарының мерзімі:

2020-2026 жж.

«ҮМЗ» АҚ тантал және бериллий өндірістерін отандық минералды-шикізат базасымен қамтамасыз ету

Тантал, ниобий және бериллийден («Жоғарғы Ырғыз және «Қаражал» кен орындары) өнім шығару бойынша «ҮМЗ» АҚ-ның жұмысын қамтамасыз ету үшін «ҮМЗ» АҚ-ның отандық минералдық-шикізат базасын құру, сонымен қатар «ҮМЗ» АҚ өндірістерінің қажеттіліктерін қамтамасыз ету үшін басқа да әлеуетті кен орындарын игеру мүмкіндіктерін белсенді іздеу және зерделеу.

Жобаны іске асырудың құндылығы:

Өнімнің өзіндік құнын төмендету;
Импортқа тәуелділікті азайту;
Жаңа жұмыс орындарын құру;
«ҮМЗ» АҚ өндірісінің тиімділігін арттыру.

Іске асыру мерзімі:

2023-2029 жж.

корпоративтік бағдарламасын іске асыру

«Well-being»

Бағдарлама қызметкерлердің физикалық және менталдық денсаулығын, қаржылық, сондай-ақ мансаптық және әлеуметтік әл-ауқатын жақсартуға бағытталған. Бұл іс-әрекеттер қызметкерлердің жалпы әл-ауқатын арттыруға, олардың өнімділігін ынталандыруға және қызметкерлердің де, Компанияның да мүдделері үшін кәсіби және жеке әлеуетін толық ашу үшін қолайлы атмосфера құруға бағытталған.

Жобаны іске асырудың құндылығы:

Әлеуметтік тұрақсыздыққа байланысты тәуекелдерді азайту;
Еңбек өнімділігін арттыру;
Қызметкерлердің жалпы әл-ауқатын жақсарту;
Қызметкерлердің белсенділігі мен адалдығын арттыру.

Іске асыру мерзімі:

2023-2026 жж.

әлеуметтік жобасын іске асыру

«Игілік»

Жоба Қоғамның ЕТҰ қызметі аймақтарындағы әлеуметтік-экономикалық деңгей мен инфрақұрылымдық дамуды арттыруға, өзекті әлеуметтік міндеттерді шешуге, сондай-ақ кәсіпорындардағы еңбек жағдайларын жақсартуға бағытталған. Жобаға арналған бастамалар қызметкерлердің, Компанияның еншілес және тәуелді ұйымдарының және жергілікті қауымдастықтардың ұсыныстары негізінде қалыптастырылады.

Жобаны іске асырудың құндылығы:

Аймақтардағы әлеуметтік тәуекелдер мен шиеленісті азайту;
Халық арасында Компанияның оң қабылдауын нығайту;
Жұмыс берушінің брендінің тартымдылығын арттыру.

Іске асыру мерзімі:

Жыл сайын.

Жас мамандарды дамытудың

«Ізбасар»
жергілікті бағдарламасын іске асыру

Бағдарламаның мақсаты «Қазатомөнеркәсіп» ҰАК» АҚ кәсіпорындарында кезең-кезеңімен мансаптық өсу болашағы бар дарынды көшбасшыларды тәрбиелеу болып табылады. Бағдарлама Қоғамда және оның ЕТҰ-да 15 айлық ақылы тағылымдамадан өтудің, арнайы оқытудан өтудің және қатаң конкурстық іріктеу нәтижелері бойынша бағдарламаға кіріп, орасан зор тәжірибе алудың бірегей тәжірибесін ұсынады. Әрбір жас маманға тәжірибелі қызметкерлер қатарынан тәлімгер бекітіледі.

Жобаны іске асырудың құндылығы:

Дарынды жастардың атом саласына деген қызығушылығын арттыру;
Жас мамандардың әлеуетін дамыту;
Қоғам және ЕТҰ қызметкерлері қатарындағы жас мамандардың мансаптық дамуы;
Қызметкерлердің белсенділігі мен адалдығын арттыру.

Іске асыру мерзімі:

Жыл сайын.

«Қазатомөнеркәсіп» ҰАК» АҚ Денсаулықты қорғау 360°» бағдарламасын жүзеге асыру

Бағдарламаның мақсаты: ұзақ мерзімді перспективада тұрақты экономикалық қызметті қамтамасыз ету үшін қызметкерлердің денсаулығын нығайту.

Жобаны келесі міндеттер арқылы іске асыру жоспарлануда:

Аурулардың алдын алу мен басқаруды жетілдіру;
Қызметкерлердің салауатты өмір салтын ұстануын қалыптастыру;
Қолда бар ресурстарды пайдалану тиімділігін арттыру.

Жобаны іске асырудың құндылығы:

Денсаулық сақтау бойынша негізгі көрсеткіштердің оң динамикасы, денсаулық жағдайы бойынша кенеттен өлім көрсеткішінің төмендеуі;
Персоналды аурулардың алдын алу үдерістеріне тарту және салауатты өмір салты дағдыларын қалыптастыру;
Вахталық кенттерде қауіпсіз тамақпен, медициналық көмекпен, микроклиматтың оңтайлы параметрлерімен қамтамасыз ету;
Денсаулық сақтау мәселелері бойынша әдістемелік басшылық және бірыңғай саясат құру.

Іске асыру мерзімі:

2023-2027 жж.

білім беру гранттарын беру жөніндегі бағдарламаны іске асыру

«Murager»

Бағдарлама Компания қатысу аймақтарының жергілікті тұрғындары арасынан талапкерлерді, колледж түлектерін және бастауыш курс студенттерін қолдауға бағытталған. Бағдарлама шеңберінде қатысушылар Қазақстанның техникалық колледждері мен жоғары оқу орындарында басым техникалық мамандықтар бойынша 1 жылға тегін білім беру грантын ала алады. Өткен оқу кезеңінде оқудың сәтті нәтижелері болған жағдайда, бағдарлама қатысушылары Murager білім беру гранты бойынша келесі оқу жылында да оқуын жалғастыра алады.

Жобаны іске асырудың құндылығы:

Жастар арасында техникалық мамандықтарды дәріптеу;
Жергілікті халықтың Қоғамға және ЕТҰ-ға деген сенімі мен адалдығын арттыру және нығайту;
Қазатомөнеркәсіптің тұрақты даму саласындағы саясатын жетілдіру;
Жастардың назарын жұмысшы кәсіптеріне, оның ішінде ТжКБ-ға аудару.

Іске асыру мерзімі:

Жыл сайын.

Буденовское кен орнының 6, 7-учаскесін тәжірибелік-өнеркәсіптік пайдалануға беру

2023 жылы «Буденовское» БК» ЖШС Буденовское кен орнының 6, 7-учаскесінде уранды тәжірибелік-өнеркәсіптік өндіруді бастады.

Жобаны іске асырудың құндылығы:

Жаңа жұмыс орындарын құру;
Салық түсімдерін ұлғайту;
Аймақтың әлеуметтік-экономикалық деңгейін арттыру және ШОБ-ты дамыту.

Өндірістік қуатқа шығу:

2023-2026 жж.

Бизнес-үлгі

¹ Оған біріктірілмеген кәсіпорындар – БК және 100% негізде қауымдасқан кәсіпорындар, сондай-ақ тарату қорлары мен жою шығындары кіреді.

² Топ бойынша біліктілікті арттыру, оқыту және қайта даярлау, білімді сақтау және беруге арналған шығындарды қамтиды.

Активтер құрылымы

Қазатомөнеркәсіп Қазақстандағы 26 уран кен орнында 14 өндіруші кәсіпорынға иелік етеді, онда өндіру жерасты ұңғымалық шаймалау (ЖСШ) әдісімен жүзеге асырылады.

Активтер құрылымына кіретіндер:

еншілес кәсіпорын толығымен бақыланады және 5 уран кен орнында жұмыс істейді

уран өндіруші кәсіпорын Қазатомөнеркәсіпке ішінара тиесілі және 21 уран кен орнында жұмыс істейді

«Қазатомөнеркәсіп» ҰАК» АҚ-ның 2023 жылғы басты активтері

Кәсіпорын	Активтер сипаттамасы
Жер қойнауын пайдалану
Жиынтығында Қазақстанның Шу-Сарысу және Сырдария провинцияларында орналасқан 17 уран учаскелері/кен орындары бар Қоғамның еншілес және тәуелді ұйымдарына қатысты өндіру құқығын беретін жер қойнауын пайдалануға арналған келісімшарттар.	319,0 мың тонна UME – дәлелденген және ықтимал кен қорлары.. 578,6 мың тонна UME – пайдалы қазбалар-дың өлшенген және болжамды минералды ресурстары.
Шу-Сарысу, Сырдария және Солтүстік Қазақстан провинцияларында орналасқан 9 уран учаскесіне/кен орнына қатысты БК және Топтың қауымдасқан компанияларына өндіру құқығын беретін жер қойнауын пайдалануға арналған келісімшарттар.	247,9 мың тонна UME – дәлелденген және ықтимал кен қорлары. 271,9 мың тонна UME – пайдалы қазбалардың жалпы минералдық ресурстары (өлшенген, болжанатын және алдын ала бағаланған минералдық ресурстарды қоса алғанда).
Өндіріс
«Үлбі металлургиялық зауыты» АҚ	2023 жылғы өнімділік: 3 819,5 тонна уран өнімі; 842,8 тонна бериллий; 153,8 тонна тантал; 7,7 тонна ниобий; 276,2 тонна балқыту қышқылы.
Сауда
KazakAtom TH AG сауда үйі	Уран саудасы.
Қосалқы кәсіпорындар
«СКЗ-U» ЖШС «SSAP» ЖШС	680 мың тонна күкірт қышқылы – жиынтық жылдық өндірістік қуат.
«Волковгеология» АҚ	Геологиялық жұмыстар мен технологиялық бұрғылау жүргізу.
«KAP Logistics» ЖШС (бұрын – «СаудаКөлік Компаниясы» ЖШС)	Өндірістік активтерге қызмет көрсететін көліктік-логистикалық компания.
«Qorǵan-Security» ЖШС	«Қазатомөнеркәсіп» ҰАК» АҚ және онымен үлестес заңды тұлғалар үшін күзет қызметі.
«KAP Technology» ЖШС	«Қазатомөнеркәсіп» ҰАК» АҚ кәсіпорындарын жергілікті және корпоративтік телефон байланысымен деректерді берумен УҚТ-радиобайланыспен қамтамасыз ету.
«Уранэнерго» ЖШС	Электр энергиясын беру және тарату, электр желілері мен қосалқы станцияларды пайдалану, «Қазатомөнеркәсіп» ҰАК» АҚ Уран өндіруші кәсіпорындарды сенімді және үздіксіз электрмен жабдықтау.
Ғылым, инжиниринг, білім беру
«Жоғары Технологиялар Институты» ЖШС	Қазақстанның атом саласындағы инновациялық дамуы, саланы технологиялық жаңарту, шығарылатын ғылымды қажетсінетін өнімнің сапасы мен бәсекеге қабілеттілігін түбегейлі көтеру жөніндегі стратегиялық міндеттерді шешу, кейіннен сала кәсіпорындарына енгізе отырып, ғылыми зерттеулер мен жобалау-конструкторлық жұмыстарын жүргізу, кадрларды даярлау және қайта даярлау.

Қызмет нәтижелерінің динамикасы

ӨНДІРІСТІК КӨРСЕТКІШТЕР

GRI 2-6, SASB EM-MM-000.A

Қазатомөнеркәсіп уран мен оның қосылыстарының экспорты мен импорты жөніндегі ұлттық оператор болып табылады, бұл оған уран өндіруге жер қойнауын пайдалану құқығын беру кезіндегі тікелей келіссөздерді қоса алғанда, кейбір артықшылықтар береді. Осының арқасында Компания ЖҰШ үшін қолайлы жоғары сапалы кен орындарына қол жеткізе алады. 2023 жылы Қазатомөнеркәсіп әлемдік өндірістің 20%ға жуығын қамтамасыз ете отырып, әлемдік жетекші уран өндіруші ретіндегі өз позициясын растады, бұл ретте әлемдік уран өндірудің 39%ы Холдингтің қазақстандық кәсіпорындарының үлесіне тиесілі.

Табиғи уран өндірудің әлемдік нарығындағы Қазатомөнеркәсіптің үлесі (өндірістің тиісті үлесі негізінде), %

2023 жыл ішінде Қазатомөнеркәсіп әлемдік нарықтағы ең үлкен үлесті ұстап, уранның ең ірі өндірушісі ретінде өзінің көшбасшылық орнын растады. UxC мәліметтері бойынша, Компанияның 2023 жылы өндірген уран үлесі уранды бастапқы өндірудің жалпы әлемдік көлемінен шамамен 20%-ын құрады. Бұл ретте, Қазақстандағы Қазатомөнеркәсіп Холдингінің құрамына кіретін кәсіпорындармен өндірілген уранның үлесі осы кезеңде әлемдік уран өндірісінің жалпы көлемінен шамамен 39%ға жетті.

Қазатомөнеркәсіптің уран өндіру көлемі (өндірістің тиісті үлесі), тонна

Өндіріс 2023 жылы өндіріс жоспарының 2022 жылмен салыстырғанда төмендеуіне, сондай-ақ материалдар мен жабдықтардың кешігуіне және шектеулі қолжетімділігіне байланысты төмендеді. Бұл ұңғымаларды іске қосу кестесінде және ЖҰШ әдісімен уран өндірудің жалпы көлемінде көрініс тапты. Күкірт қышқылы сияқты негізгі материалдарға қол жеткізу мәселелері 2024 жылы да жалғасуы мүмкін, бұл өндіріс көлеміне әсер етеді.

Ниобий өнімін өндіру көлемі, тонна Nb

Ниобий өнімінің өндірісі 2023 жылы 2022 жылмен салыстырғанда 2,53%-ға төмендеді, бұл ниобий өніміне сұраныс құрылымының өзгеруіне байланысты.

Бериллий өнімін өндіру көлемі, тонна Be

2022 жылғы деңгейге қатысты есепті кезеңде заттай көріністе бериллий өндірісінің көлемі 34,94%-ға азайды, бұл бериллий өніміне сұраныстың төмендеуімен түсіндіріледі.

Тантал өнімдерін өндіру көлемі, тонна Ta

2022 жылғы деңгеймен салыстырғанда 2023 жылы заттай көріністе тантал өнімдерін өндіру көлемі 7%-ға азайды, бұл тапсырыс берушілер тарапынан сұраныстың төмендеуіне байланысты.

Отын таблеткаларын өндіру көлемі, тонна

2023 жылы отын таблеткаларын өндіру көлемі 196,5 тоннаны құрады, бұл 2022 жылғы өндіріс көлемімен салыстырмалы көрсеткіш.

ҚАРЖЫЛЫҚ КӨРСЕТКІШТЕР

Топтың түсімі, млрд теңге

Топтың шоғырландырылған түсімі 2022 жылмен салыстырғанда 43%ға ұлғайып, 2023 жылдың қорытындысы бойынша 1 434 635 млн теңгені құрады. Бұл өсу негізінен төмендегілермен байланысты:

U₃O₈ спот бағасының өсуіне байланысты сатудың орташа бағасының өсуімен;
клиенттердің қосымша сұраныстарына, сондай-ақ жаңа ұзақ мерзімді келісімшарттарға байланысты U₃O₈ іске асыру көлемінің ұлғаюымен;
«Үлбі-ЖБҚ» ЖШС-нің 2023 жыл ішінде ЖБҚ жеткізу көлемінің ұлғаюына және ҮМЗ сирек металдарынан жасалған өнімдерді сатудан түсетін кірістердің өсуіне сәйкес БУӨ және басқа уран өнімдерін сатудан түсетін кірістердің (таблеткаларды сатуды және толлинг қызметтерін көрсетуді қоса алғанда) өсуімен.

Төленген дивидендтер, млрд теңге

2023 жылы Компания өз акционерлеріне 2023 жылғы шілде айында 2022 жылғы қызмет қорытындылары бойынша төленген 200 970 млн теңге мөлшерінде дивидендтер төленгені туралы жариялады (2022 жылы Компания өз акционерлеріне 227 388 млн теңге мөлшерінде дивидендтер төледі, олар 2021 жылғы қызмет қорытындылары бойынша 2022 жылғы шілде айында шілдеде төленді. Дивидендтер алынбайтын немесе дивидендтерді төлеуден бас тарту жоспарланатын келісімдер болған жоқ.

Таза пайда, млрд теңге

2023 жылғы таза пайда 580 335 млн теңгені құрап, 2022 жылмен салыстырғанда 23%-ға өсті (2022 жылы 472 963 млн теңгені құрады). Өсім негізінен жоғарыда көрсетілгендей 2023 жылы операциялық пайданың артуына байланысты болды.

Таза қарыз/түзетілген EBITDA

«Таза қарыздың түзетілген EBITDA-ға қатынасы» коэффициенті 2022 жылмен салыстырғанда 0,1-ге өсті. EBITDA түзетілген көрсеткіші 2023 жылы 828 623 млн теңгені құрап, 2022 жылмен салыстырғанда 31%-ға ұлғайды (2022 жылы 630 898 млн теңгені құрады), бұл ретте EBITDA көрсеткіші 2023 жылдың қорытындысы бойынша қатысу үлесіне пропорционалды түрде 639 407 млн теңгені құрап, 2022 жылмен салыстырғанда 29%-ға ұлғайды (2022 жылы 495 357 млн теңгені құрады). Өзгерістер негізінен шоғырландырылған деңгейдегі жоғары операциялық пайдаға, сондай-ақ БК мен қауымдастырылған компаниялардағы EBITDA жоғары көрсеткішіне байланысты болды, бұл көбінесе U₃O₈ спот бағасының өсуіне байланысты орташа сату бағасының өсуінен туындайды.

Акцияға пайда, теңге/акция

2023 жылы акцияға шаққандағы пайда 2022 жылмен салыстырғанда 20%-ға артып, 1 616 теңгені құрады.

Акцияға түзетілген пайда, теңге/акция

2023 жылы акцияға шаққандағы түзетілген пайда 2 237 теңгені құрады, бұл таза пайдаға әсер ететін уақытша әсерлерді есепке алмағанда, бір жыл ішінде түзетілген таза пайданың ұлғаюын көрсетеді.

Операциялық пайда, млрд теңге

2023 жылдың қорытындысы бойынша операциялық пайда 680 812 млн теңгені құрап, 2022 жылмен салыстырғанда 49%-ға ұлғайды (2022 жылы 455 962 млн теңгені құрады), бұл негізінен 2023 жылы жоғарыда көрсетілгендей түсімнің ұлғаюына байланысты болды.

Уран өнімдерінің нарығына шолу және бәсекелестік орта

ГЕОГРАФИЯ ЖӘНЕ НАРЫҚТАР

GRI 2-1

Минералды активтер

Компанияның минералды активтері Қазақстанның төрт негізгі облысына, соның ішінде Қызылорда, Түркістан, Солтүстік Қазақстан және Ақмола облыстарына бөлінген, бұл Қазатомөнеркәсіпке әлемдегі ең ірі уран қорларының біріне қол жеткізуді қамтамасыз етеді.

ҚМК³ стандарттарына сәйкес уран қорларының бөлінуі көрсетілген қазақстандық уран провинциялары

³ Пайдалы қазбалар қоры жөніндегі мемлекеттік комиссия (ҚМК). Қорлардың бөлінуі пайыздық арақатынаста көрсетілген.

Негізгі нәтижелер, 2023 жыл

Уран саласының әлемдік нарықтағы маңызды оқиғалары


	Әлемдегі геосаяси жағдай	Ресейдің атом өнеркәсібі санкцияларға ұшырамады, дегенмен Ұлыбританиядағы, ЕО мен АҚШ-тағы заң шығарушылар арасындағы санкциялық көңіл-күй 2023 жылдың басынан бастап кейбір жаңа бастамалар мен шараларға, соның ішінде Ресейдің кейбір кәсіпорындары мен атом өнеркәсібінің аға басшыларын Ұлыбритания мен АҚШтың санкциялар тізіміне қосуына әкелді.
	ЕО	Бельгия, Франция, Италия және Ұлыбритания сияқты елдерді қамтитын Еуропалық ядролық альянс аясында 16 еуропалық елдің үкімет өкілдері 2050 жылға қарай 150 ГВт атом энергиясына жетуді көздеп отыр, бұл қазіргі қолданыстағы 100 ГВт-тан едәуір көп. Альянс мақсатқа қосымша 30-45 ірі реакторлар мен шағын модульді реакторлар салу арқылы жетуді көздеп отыр, осылайша ЕО-да электр энергиясын өндірудегі ядролық энергиясының қазіргі 25% үлесін сақтап қалады.
	Ұлыбритания	Ұлыбританияның энергетикалық қауіпсіздік министрлігі қаржыландыруы 20 миллиард фунтқа (~25,8 миллиард долларға) жетуі мүмкін елде жаңа атом электр станцияларының құрылысын дамытуға бағытталған Great British Nuclear бағдарламасын іске қосатынын жариялады.
	Франция	Францияның Конституциялық кеңесі әкімшілік процедуралар мен жоспарлауды жеңілдету арқылы жаңа реакторлардың құрылысын жеделдетуге бағытталған заңды бекітті. Мамыр айында парламент мақұлдаған заң Францияның ядролық қуатына бұрын қойылған шектеулерді және 2035 жылға қарай ядролық энергетика ұлттық электр энергиясы балансының тек 50%-ын құрауы керек деген талапты жояды. Осылайша, 2050 жылға қарай ядролық энергиясы электр энергиясын өндірудің жалпы көлемінен 50%-дан астамын құрайды.
	Жаһандық климаттық стратегия	Атом энергетикасын дамыту перспективалары жақсаруда. БҰҰ-ның СОР28 климаттық өзгерістер жөніндегі конференциясында 20-дан астам ел 2050 жылға қарай атом энергетикасы қуатын үш есе ұлғайту туралы Декларацияға қол қойды. Декларация атом энергетикасы бүкіл әлемде нөлдік шығарындыларға қол жеткізу үшін маңызды рөл атқаратынын мойындайды. Декларацияның негізгі аспектілері халықаралық қаржы институттарын атом энергетикасын энергетикалық инфрақұрылымды қаржыландыру бағдарламаларына қосуды ынталандыруға шақыруға бағытталған ниеттерді де қамтиды.

Уран бағасы

2010-2023 жылдардағы уран бағасы, U₃O₈⁴ бір фунты үшін АҚШ доллары

⁴ TradeTech, UxC мәліметтері бойынша.

2023 жылғы уран өндірісі

GRI 2-6

2023 жылдың қорытындысы бойынша 100% негізіндегі және меншік үлесіне пропорционалды өндіріс көлемі 2022 жылдың ұқсас көрсеткіштерінен төмен болды, бұл негізінен 2022 жылмен салыстырғанда 2023 жылға арналған өндірістік жоспардың шамалы төмендеуіне байланысты, бұл Компанияның ұзақ мерзімді құндылықты құруға бағытталған өнімді өндіру мен сатуға тәртіптік көзқарасын көрсетеді.

2023 жылғы реакторларды енгізу және шығару

Сату және өткізу

УРАН ӨНІМДЕРІН САТУ

GRI 2-6

2023 жылы Компания уран өнімдерін тікелей және «Trade House KazakAtom AG» («THK») еншілес компаниясы арқылы 9 елдегі 23 клиентке сатуды жүзеге асырды (2022 жылы: 11 елдегі 24 клиентке).

Төмендегі кестеде Топтың сатылымының географиялық таралуы туралы мәліметтер келтірілген:

Аймақтар⁵ бойынша уран өнімін шоғырландырылған сатылымы*

⁵ Дереккөз: Қазатомөнеркәсіптің деректері.

^* Уран өнімдерін БК серіктестеріне сатуды қамтиды.

Клиенттердің Компанияның уран өнімдеріне географиялық бөлінуі туралы деректерді қоса алғанда:

Компания мен THK уран өнімдерін (U₃O₈) аймақтар⁶ бойынша сату

(U₃O₈ сату көлемінен* %)

⁶ Дереккөз: Компанияның деректері, көрсеткіштер ықшамдалды.

^* Компанияның сату көлемі (Топта есепке алынатын) Компания мен THK-ның сыртқы сатып алушыларына сатудың жалпы көлемін қамтиды. Компания мен THK арасындағы топ ішіндегі мәмілелер есепке алынбайды.

Негізгі жетістіктер:

ҚАӨ портфеліне 2 жаңа клиент қосылды;
сату географиясы кеңейтілді: ҚАӨ екі жаңа елге табиғи уранды жеткізуге шарт жасасты;
сату көлемі өсті;
келісім-шарт деңгейі артты.

ТАСЫМАЛДАУ

Қазатомөнеркәсіп уран өнімдерін бүкіл әлем бойынша клиенттерге тасымалдау үшін қауіпсіз, қорғалған және тиімді логистикалық шешімдерді қолданады. Барлық өнімдер теміржол және/немесе теңіз арқылы 20 футтық контейнерлерде тасымалданады, бұл ретте тасымалдау уранды тасымалдаумен байланысты тәуекелдерден сақтандыру жүзеге асырылады.

2023 жыл ішінде Румыния, АҚШ және Канададағы соңғы жүк алушыларға Транскаспий халықаралық көлік бағыты (TХКБ) арқылы бірнеше физикалық тұрғыда жеткізу жүзеге асырылды. 2023 жылдың қорытындысы бойынша Қазақстаннан батыс елдеріне уранның барлық жөнелтілімдерінің 64%-ы TХКБ арқылы сәтті жүзеге асырылды.

2023 жылы Қазатомөнеркәсіп U₃O₈ және дайын өнімді клиенттердің қажеттіліктері мен талаптарына сәйкес әртүрлі бағыттарға жеткізді:

Конверторлар: U₃O₈-ді Honeywell (АҚШ), Cameco (Канада) және Orano (Франция) компанияларының лицензияланған конверсиялық зауыттарына тасымалдау Қазақстаннан Санкт-Петербург порты арқылы теміржол көлігімен, содан кейін АҚШ, Канада немесе Еуропа порттарына теңіз көлігімен жүзеге асырылды, содан кейін жүк теміржол немесе автомобиль көлігімен қайта өңдеу зауыттарына жеткізілді.

Қытай: материалдар Алашанькоу теміржол станциясына жеткізілді.

Ресей: Ресей Федерациясына жеткізулер кезінде, оның ішінде «Сібір химиялық комбинаты» АҚ («СХК»), өнімдер теміржол арқылы Томск-2 станциясына дейін жеткізілді.

Румыния: Клиент Фельдиордағы конверсиялық зауытында меншік құқығын алды.

Аргентина: Клиент Буэнос-Айрес қаласының портында меншік құқығын алды.

Көрсетілген пункттерге жеткізудің орташа құны U₃O₈ килограмы үшін 0,7-ден 6,6 АҚШ долларына дейін болады. Жеткізу мерзімі мен құнын азайту және көлік тәуекелдерін азайту үшін Компания своп-келісімдер жасайды.

ӨНДІРУШІ АКТИВТЕР

«ОРТАЛЫҚ» ӨК» ЖШС

Еншілес ұйым

Компанияға «ОРТАЛЫҚ» ӨК» ЖШС жарғылық капиталындағы қатысу үлесінің 51%-ы тиесілі, қалған 49%-ы қытайлық CGNM UK Limited компаниясына тиесілі. Бұл кәсіпорын өз қызметін Мыңқұдық кен орнының орталық учаскесінде, сондай-ақ Түркістан облысының Созақ ауданында орналасқан Жалпақ кен орнында жүзеге асырады.

Кен орны

Мыңқұдық кен орны 1973 жылы ашылған, 2008 жылдан бастап Орталық учаскесін өнеркәсіптік игеруі басталған. Мыңқұдық кен орнының Орталық учаскесін игеру үшін жер қойнауын пайдалану құқығына арналған №1796 келісімшартқа 2005 жылғы 8 шілдеде қол қойылды. Уранды барлау, өндіру және өткізу құқықтары 2033 жылға дейін қолданылады.

Жалпақ кен орнында тәжірибелік-өнеркәсіптік өндіру жұмыстары аяқталды. Уран өндіруге арналған №4996-тпи келісімшарты 2021 жылғы 14 желтоқсанда жасалды, уранды өндіру және өткізу құқықтарының қолданылу мерзімі 2042 жылға дейін белгіленген.

2024 жылғы 1 қаңтардағы жағдай бойынша кен орындарының кен қорларының жиынтық көлемі (жылдық сарқылуды қоса алғанда) 33,5 мың тоннаны құрайды. Минералды ресурстардың жалпы көлемі (қорларды қоса алғанда) 33,5 мың тоннаны құрайды.

Сипаттамалары

Құрылған жылы

23.02.2011

Өндіріс

1 650 тонна (Мыңқұдық
Орталық жобалық
қуаттылығы
2000 т/жылына, Жалпақ –
900 т/жылына)

Орналасқан жері

Қазақстан Республикасы,
Түркістан облысы,
Созақ ауданы

Жұмысшылар саны

576 адам

Бас директор

Бейсенбеков Айдын Женисович⁷

Жер қойнауын пайдалануға арналған келісімшарттар мерзімдері

2000-2043 жж.

Топтың иелену үлесі

51%

Кен орны

1. Мыңқұдық, Орталық
учаскесі
2. Жалпақ

⁷ 13.11.2023 ж. дейін – Ташимов Ерлан Лесбекович.

ӨНДІРУШІ АКТИВТЕР

«РУ-6» ЖШС